Friday - 2018 August 17
Languages
دوستوں کو بھیجیں
News ID : 183801
Published : 17/10/2016 11:19

نائیجیریا میں اسلامی تحریک کے رہنما شیخ آدم گرفتار

نائیجیریا کی فوج نے گزشتہ سال دسمبر میں چہلم امام حسین علیہ السلام کے موقع پر زاریا شہر میں واقع امام بارگاہ بقیت اللہ پر حملہ کرکے سات سو کے قریب عزاداروں کو شہید کردیا تھا،اس سے ایک سال قبل نائیجیریا کی فوج نے صہیونی اور سعودی اثر وسوخ کے باعث عالمی یوم القدس کی ریلی پر فائرنگ کردی تھی جسں میں نائیجیریا کی اسلامی تحریک کے سربراہ ابراہیم زکزکی کے دو بیٹوں سمیت پینتس افراد شہید ہوگئے تھے۔


ولایت پورٹل:
نائیجیریا کی فوج نے جوس شہر میں اسلامی تحریک کے  رہنما حجت الاسلام شیخ آدم کو گرفتار کر لیا ہے،م‍قامی ذرائع کا کہنا ہے کہ نائیجیریا کی فوج نے اسلامی تحریک کے سربراہ آیت اللہ ابراہیم زکزکی کے نمائندے شیخ آدم کو گرفتار کرکے نامعلوم مقام پر منتقل کردیا ہے،اسلامی تحریک کے ذرا‏ئع کا کہنا ہے کہ شیخ آدم کی گرفتاری بغیر کسی عدالتی حکم  کے عمل میں آئی ہے اور فوجی حکام ان کے بارے میں کسی بھی قسم کی معلومات فراہم کرنے سے گریز کر رہے ہیں،ان کی گرفتاری ایسے وقت میں عمل میں آئی ہے جب نائیجیریا کی فوج نے یوم عاشورہ شیخ آدم کے گھر پر حملہ کرکے اس سے متصل امام بارگاہ میں آگ لگادی تھی،نائیجیریا کی فوج نے مذکورہ امام بارگا کو آگ لگانے سے پہلے وہاں موجود عزاداروں پر فائرنگ بھی کی تھی جس کے نتیجے میں اٹھارہ عزادار شہید اور متعدد زخمی ہوگئے تھے،نائیجیر کی اسلامی تحریک کے سربراہ آیت اللہ ابراہیم زکزکی پچھلے ایک سال سے جیل میں بند ہیں،نائیجیر کے صوبے کادونا کی حکومت نے شیعہ مسلمانوں کی نمائندہ تنظیم تحریک اسلامی کی سرگرمیوں پر پابندی عائد کردی ہے اور اس تنظیم کے ترجمان کی گرفتاری کا بھی حکم دیا ہے،اکثر مبصرین کا خیال ہے کہ نائیجیریا کی حکومت اور فوج پر سعودی عرب اور اسرائیل کے اثر و رسوخ کی وجہ سے ملک کی شیعہ آبادی کو سرکاری سطح پر تشدد کا نشانہ بنایا جارہا ہے،نائیجیریا کی فوج نے گزشتہ سال دسمبر میں چہلم امام حسین علیہ السلام کے موقع پر زاریا شہر میں واقع امام بارگاہ بقیت اللہ پر حملہ کرکے سات سو کے قریب عزاداروں کو شہید کردیا تھا،اس سے ایک سال قبل نائیجیریا کی فوج نے صہیونی اور سعودی اثر وسوخ کے باعث عالمی یوم القدس کی ریلی پر فائرنگ کردی تھی جسں میں نائیجیریا کی اسلامی تحریک کے سربراہ ابراہیم زکزکی کے دو بیٹوں سمیت پینتس افراد شہید ہوگئے تھے۔
abna


آپکی رائے



میرا تبصرہ ظاہر نہ کریں
تصویر امنیتی :
Friday - 2018 August 17