Friday - 2019 January 18
Languages
دوستوں کو بھیجیں
News ID : 185461
Published : 4/2/2017 15:41

مٹھی بھر جاہل اور نادان حکومت کررہے ہیں سعودی عرب پر:خطیب نماز جمعہ تہران

اسلامی جمہوریہ ایران کے دارالحکومت تہران میں نماز جمعہ کے عارضی خطیب آیت اللہ سید احمد خاتمی نے عراق، شام، یمن اور لیبیا میں وہابی دہشت گردوں کی حمایت پر سعودی عرب کی مذمت اور سرزنش کرتے ہوئے کہا ہے کہ سعودی عرب دنیا میں دہشت گردی کا بہت بڑا کیمپ ہےجہاں سے پوری دنیا میں وہابی دہشت گردوں کو مدد فراہم کی جاتی ہے۔

ولایت پورٹل:اسلامی جمہوریہ ایران کے دارالحکومت تہران میں نماز جمعہ کے عارضی خطیب آیت اللہ سید احمد خاتمی نے عراق، شام، یمن اور لیبیا میں وہابی دہشت گردوں کی حمایت پر سعودی عرب کی مذمت اور سرزنش کرتے ہوئے کہا ہے کہ سعودی عرب دنیا میں دہشت گردی کا بہت بڑا کیمپ ہےجہاں سے پوری دنیا میں وہابی دہشت گردوں کو مدد فراہم کی جاتی ہے،انھوں نے کہا کہ سعودی عرب پر مٹھی بھر جاہل اور نادان افراد حکومت کررہے ہیں جو وہابی دہشت گردوں کی تربیت کرکے انھیں دنیا کے مختلف ممالک میں روانہ کرتے ہیں وہابی دہشت گرد اداروں اور تنظیموں  کے اکثر رہنماؤں اور کمانڈروں  کا تعلق سعودی عرب سے ہے حتی 11 ستمبر کے واقعہ میں بھی 15  دہشت گردوں کا تعلق سعودی عرب سے تھا،خطیب جمعہ نے کہا کہ سعودی عرب کے پروردہ  دہشت گردوں کے ہاتھوں اب تک ہزاروں  امریکی شہری ہلاک ہوچکے ہیں لیکن پھر بھی 7 اسلامی ممالک کے خلاف امریکی پابندیوں کی فہرست میں سعودی عرب کا نام  شامل نہیں ہے کیونکہ سعودی عرب کا اسلام امریکی مرضی کا اسلام ہے حالانکہ امریکہ کی پابندیوں کی زد میں آنے والے 7 اسلامی ممالک میں ایک بھی امریکی شہری ہلاک نہیں ہوا کیونکہ حقیقی اسلام کسی انسان کی گردن کاٹنے کی اجازت نہیں دیتا،خطیب جمعہ نے کہا کہ دشت گردی کیمپ نامی کتاب میں ایسی  89 اسناد موجود ہیں جن میں ٹھوس شواہد پیش کئے گئے ہیں کہ سعودی عرب میں باقاعدہ وہابی دہشت گردوں کو تربیت دی جاتی ہے،انھوں نے کہا کہ امریکہ کا دہشت گردی میں ملوث ہونے کے تمام ٹھوس شواہد کے باوجود سعودی عرب کے خلاف کوئی اقدام نہ کرنا اس بات کا ثبوت ہے کہ امریکہ اور سعودی عرب دونوں دہشت گردوں کی پشتپناہی کررہے ہیں اور الزام کی انگلی دوسروں پر اٹھا رہے ہیں،خطیب جمعہ نے کہا کہ امریکہ کو سعودی عرب کے امریکی اسلام سے کوئی مشکل نہیں  بلکہ اس کی دشمنی  خالص اسلام سے ہے جو دنیا کو رحمت اور محبت کا پغام پہنچاتا ہے جبکہ سعودی عرب کا وہابی نظریہ اور امریکہ کا نظریہ یکساں ہے دونوں  کےنظریات میں  انسان کی کوئی قدر و قیمت نہیں ہے۔ یہی وجہ ہے کہ امریکہ  فلسطین اور یمن پر اسرائیل اورسعودی عرب  کے وحشیانہ ، بہیمانہ اور بھیانک جرائم کی بھر پور حمایت کررہا ہے،خطیب جمعہ نے ایران کے میزائل تجربات کو ایران کے استقلال اور اقتدار کا مظہر قراردیتے ہوئے کہا کہ امریکہ اور اس کے اتحادی یہ چاہتے ہیں کہ اگر ایران  خالی ہاتھ ہوجائے  اور وہ ان کے لئے آسان لقمہ بن جائے  لیکن ایران کا میزائل سسٹم ایران کے اقتدار ، استقلال اور قومی وقار کا مظہر ہے دنیا کے اس جنگلی نظام میں ہر کوئی غریب ملک پر سینہ تان کے سوار ہوجاتا ہےلہذا ملکی اور قومی  دفاع کے لئے ہمارے پاس بھی کچھ نا کچھ ہونا چاہیے،خطیب جمعہ نے عشرہ فجر انقلاب اسلامی کے برکات کی طرف اشارہ کرتے ہوئے کہا کہ انقلاب اسلامی نے ہمیں عزت، استقلال ، آزادی  اور علمی پیشرفت و ترقی کا درس دیا ہے اور انقلاب اسلامی نے ایرانی قوم کے اندر تازہ روح پھونکی ہے  اور قوم کے اندر امید و اعتماد کی روح کو پائدار بنانے کے سلسلے میں ہمیں اپنی ذمہ داری پر عمل کرنا چاہیے۔
مہر


آپکی رائے



میرا تبصرہ ظاہر نہ کریں
تصویر امنیتی :
Friday - 2019 January 18