Friday - 2018 Oct. 19
Languages
دوستوں کو بھیجیں
News ID : 189229
Published : 26/8/2017 16:10

امام محمد تقی(ع) کے حکیمانہ اقوال

حضرت امام محمد تقی علیہ السلام فرماتے ہیں:توبہ میں تاخیر کرنا دھوکہ ہے، اور توبہ کرنے میں بہت زیادہ دیرکرنا حیرت و سرگردانی کا سبب ہے، خدا سے ٹال مٹول کرنا ہلاکت ہے۔


ولایت پورٹل
:قالَ الإمامُ الجوادُ عليه السلام:الثِّقَةُ بِاللَّهِ ثَمَنٌ لِكُلِّ غالٍ و سُلَّمٌ إلى كُلِّ عالٍ۔
ترجمہ:امام جواد عليه السلام نے ارشاد فرمایا:اللہ پر اعتماد ہر بیش بہاء چیز کی قیمت اور ہر بلندی کے لئے سیڑھی ہے۔(بحار الأنوار، ج 78، ص 364)۔
قالَ الإمامُ الجوادُ عليه السلام:القَصدُ إلَى اللَّهِ تَعالى بِالقُلُوبِ أبلَغُ مِن إِتعابِ الجَوارِحِ بِالأعمالِ۔
ترجمہ:دلوں سے اللہ کے قرب کا ارادہ کرنا، اعضاء کو اعمال کے ذریعے تھکانے، سے افضل ہے۔(بحار الأنوار، ج 78، ص 364)۔
قالَ الإمامُ الجوادُ عليه السلام :إظهارُ الشَّي ءِ قَبلَ أن يُستَحكَمُ مَفسَدَةٌ لَهُ۔
ترجمہ:کسی چیز کو آشکار کرنا اس کے مستحکم ہونے سے پہلے اسے فاسد اور خراب کرنے کے مترادف ہے۔(تحف العقول، ص 457)۔
قالَ الإمامُ الجوادُ عليه السلام :المُؤمِنُ يَحتاجُ إلى تَوفِيقٍ مِنَ اللَّهِ و واعِظٍ مِن نَفسِهِ و قَبولٍ مِمَّن يَنصَحُهُ۔
ترجمہ:مومن تین چیزوں کا محتاج ہے: اللہ کی جانب سے توفیق کا، اپنے نفس کی طرف سے نصیحت کا، نصیحت کرنے والے کی نصیحت کو قبول کرنے کا۔(تحف العقول، ص 457)۔
قالَ الإمامُ الجوادُ عليه السلام :مُلاقاةُ الإخوانِ نُشرَةٌ و تَلقيحٌ لِلعَقلِ و إن كانَ نَزراً قَليلاً۔
ترجمہ:مسلمان بھائیوں کی زیارت کرنا صحت و سلامتی کا باعث، عقل کے پر ثمر ہونے کا ذریعہ ہے اگر زیارت اور ملاقات تھوڑی ہی دیر کی ہو۔(الأمالى، مفيد، ص 329)۔
قالَ الإمامُ الجوادُ عليه السلام :مَنِ انقَادَ إلَى الطُّمأ نينَةِ قَبلَ الخُبَرةِ فَقَد عَرَضَ نَفسَهُ لِلهَلَكَةِ و العاقِبَةِ المُتعِبَةِ۔
ترجمہ:جو شخص آزمانے سے پہلے کسی پر اعتبار کر لے اس نے اپنے اپ کو خطرہ اور ہلاکت میں ڈالا ہے اور اپنے لئے پر غم سرانجام انتخاب کیا ہے۔(بحار الأنوار، ج 78، ص 364)۔
قالَ الإمامُ الجوادُ عليه السلام :غِنَى المُؤمِنِ غِناهُ عَنِ النّاسِ۔
ترجمہ:مومن کی تونگری لوگوں سے بے نیازی میں ہے۔(بحار الأنوار، ج 75، ص 109)۔
قالَ الإمامُ الجوادُ عليه السلام :قَد عاداكَ مَن سَتَرَعَنكَ الرُّشدَ اتِّباعاً لِما تَهواهُ۔
ترجمہ:جو شخص تمہاری ہوس کی اطاعت میں ترقی کے راستہ کو تجھ سے پنہاں رکھے اس نے تمہارے ساتھ دشمنی کی ہے۔(بحار الأنوار، ج 78، ص 364)۔
قالَ الإمامُ الجوادُ عليه السلام :الأيامُ تَهتِكُ لَكَ الأمرَ عَنِ الأسرارِ الكامِنَةِ۔
ترجمہ:زمانہ پوشیدہ رازوں کو تم پر آشکار کر دے گا۔(بحار الأنوار، ج 78، ص 365)۔


 


آپکی رائے



میرا تبصرہ ظاہر نہ کریں
تصویر امنیتی :
Friday - 2018 Oct. 19