Thursday - 2018 August 16
Languages
دوستوں کو بھیجیں
News ID : 191637
Published : 20/1/2018 19:16

وقت و علائم ظہور امام زمانہ(عج)

اگرچہ آنحضرت (عج)کے ظہور کا وقت معلوم نہیں ہے لیکن روایات میں آپ(ع) کے ظہور کی علامات بیان کی گئی ہیں یہ علامات دو طرح کی ہیں ۱۔حتمی۲۔غیر حتمی یعنی بعض علامات ایسی ہیں جو حتمی طورپر وقوع پذیر ہوں گی اور ان کے وقوع کے بعد مہدی موعود(عج)کا ظہور ہو جائے گا لیکن بعض علامات حتمی نہیں ہیں اور ہو سکتا ہے ان کے محقق ہونے میں بداء حاصل ہو جانے نیز اور ان علامات کے ظاہر ہونے کے بعد امام زمانہ(عج)کا ظہور حتمی نہیں ہے بلکہ یہ محض ایسے واقعات ہیں جو ظہور سے قبل رونما ہوں گے۔

ولایت پورٹل: امام زمانہ(عج)کے ظہور کا وقت دقیق طور پر کسی کو معلوم نہیں ہے اسی لئے روایات سے«توقیت» یعنی وقت ظہور کی تعیین سے نہی کی گئی ہے اور وقت ظہور کی تعیین کرنے والوں کی تکذیب کا حکم دیا گیا ہے۔
ابو بصیر امام جعفر صادق(ع) سے روایت کرتے ہیں کہ آپ(ع) نے فرمایا:«کذب الوقاتون ،انَّا اهل بیت لا نوقت ،ابی اللّٰه اِلَّا ان یخلف الموقتین»۔(۱)
ترجمہ:وقت ظہور کی تعیین کرنے والے جھوٹے ہیں اہل بیت(ع) وقت ظہور کی تعیین نہیں کرتے یقینی طور پر خداوند عالم ان لوگوں کے قول کی مخالفت کرے گا جو وقت ظہور کی تعیین کرتے ہیں۔
اگرچہ آنحضرت (عج)کے ظہور کا وقت معلوم نہیں ہے لیکن روایات میں آپ(ع) کے ظہور کی علامات بیان کی گئی ہیں یہ علامات دو طرح کی ہیں ۱۔حتمی۲۔غیر حتمی یعنی بعض علامات ایسی ہیں جو حتمی طورپر وقوع پذیر ہوں گی اور ان کے وقوع کے بعد مہدی موعود(عج)کا ظہور ہو جائے گا لیکن بعض علامات حتمی نہیں ہیں اور ہو سکتا ہے ان کے محقق ہونے میں بداء حاصل ہو جانے نیز اور ان علامات کے ظاہر ہونے کے بعد امام زمانہ(عج)کا ظہور حتمی نہیں ہے بلکہ یہ محض ایسے واقعات ہیں جو ظہور سے قبل رونما ہوں گے۔(۲)
مذکورہ مطالب کے پیش نظر یہ بات واضح ہو جاتی ہے کہ علائم کے بارے میں گفتگو کرنا آسان کام نہیں ہے اور حتمی وغیر حتمی علامات کی تشخیص و تعیین کے لئے وسیع معلومات اور خاص مہارت درکار ہے۔ امام زمانہ(عج)کے ظہور سے قبل رونما ہونے والے بعض اہم حوادث و واقعات مندرجۂ ذیل ہیں۔
انسانی معاشرہ میں ظلم و جور اور نزاع و نفاق کا رواج اور علم الافلاک کے عام قانون اور ماہرین فن کی پیشین گوئی کے بر خلاف دوسرے اوقات میں چاند گہن وسورج گہن ہونا ،سفیانی اور دجال کا خروج ،نفس زکیہ کا قتل ،مہدی موعود (عج)کے ظہور کے بارے میں آسمانی ندا کا سنائی دینا وغیرہ وہ حوادث ہیں  جو ظہور کے نزدیک یا ظہور کے قبل جن کے وقوع کے خبر روایات میں دی گئی ہے اور روایات میں ان میں سے بعض کے حتمی ہونے کی صراحت بھی موجود ہے۔البتہ بدیہی طور پر ان میں سے حتمی اور غیر حتمی کی تشخیص بہت زیادہ علم و آگہی اور بہت زیادہ دقت نظر کی محتاج ہے۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
حوالہ جات:
۱۔المہدی ،ص۱۹۳۔
۲۔غیبت نعمانی ،باب۱۸ ،کمال الدین ،صدوق باب۵۷ ،المھدی فصل ہفتم ، بحارالانوار ج۵۲،ص۲۵،منتخب الاثر ،ص۴۲۴ تا ۴۶۲ ملاحظہ فرمائیں۔




آپکی رائے



میرا تبصرہ ظاہر نہ کریں
تصویر امنیتی :
Thursday - 2018 August 16