Thursday - 2018 Sep 20
Languages
دوستوں کو بھیجیں
News ID : 192354
Published : 3/3/2018 5:3

حجاب الہی قانون اور ضروریات دین میں سے ہے:خطیب جمعہ تہران

اسلامی جمہوریہ ایران کےدارالحکومت تہران میں نماز جمعہ کے خطیب نے پردے اور حجاب کی اہمیت کی طرف اشارہ کرتے ہوئے کہا ہے کہ حجاب ، اللہ تعالی کا قانون اور ضروریات دین میں سے ہے اور تمام فقہاء کا اس بات پر اتفاق ہے کہ حجاب ضروریات دین میں سے ہے۔

379.jpg
ولایت پورٹل:اسلامی جمہوریہ ایران کے دارالحکومت تہران میں نماز جمعہ آیت اللہ سید احمد خاتمی کی امامت میں منعقد ہوئی ، جس میں لاکھوں افراد نے شرکت کی۔ نماز جمعہ کے خطبوں میں خطیب جمعہ  نے پردے اور حجاب کی اہمیت کی طرف اشارہ کرتے ہوئے کہا ہے کہ حجاب ، اللہ تعالی کا قانون اور ضروریات دین میں سے ہے اور تمام فقہاء کا اس بات پر اتفاق ہے کہ حجاب ضروریات دین میں سے ہے۔ انھوں نے کہا کہ حجاب کے مخالفین مغربی قوانین کو اللہ تعالی کے قانون پر ترجیح دینے کی کوشش کررہے ہیں اور یہ ان کی اللہ تعالی کی نسبت عدم معرفت کی دلیل ہے،خطیب جمعہ نے شام کے وزیر اوقاف کی رہبر معظم انقلاب اسلامی حضرت آیت اللہ العظمی خامنہ ای سے ملاقات کی طرف اشارہ کرتے ہوئے کہا کہ رہبر معظم انقلاب اسلامی نے اس ملاقات میں شام کے صدر کو عظیم مجاہد قراردیتے ہوئے فرمایا: شام کے صدر بشار اسد فرنٹ لائن پر اسلام دشمن عناصر اور سامراجی طاقتوں کے ساتھ مقابلہ کررہے ہیں اور شامی عوام اور حکومت کی حمایت ایران کا فریضہ ہے،خطیب جمعہ نے اسلام اور ایران کے مایہ ناز اسلامی کمانڈر جنرل قاسم سلیمانی کی خدمات کی طرف اشارہ کرتے ہوئے کہا کہ جنرل قاسم سلیمانی اسلام کے اور ولایت کے بےباک ، مخلص اور نڈر کمانڈر ہیں جنھوں نے خطے سے داعش کی جعلی اور مصنوعی خلافت کی بساط جمع کرنے میں اہم کردار ادا کیا،آیت اللہ سید احمد خاتمی نے کہا کہ ایرانی حکام کے لئے عوام کی خدمت بہت بڑی نعمت ہے اور عوام کو حکام کی کارکردگی اور ان کے اعمال پر قریبی نظر رکھنی چاہیے۔
مہر




آپکی رائے



میرا تبصرہ ظاہر نہ کریں
تصویر امنیتی :
Thursday - 2018 Sep 20