Sunday - 2018 Dec 16
Languages
دوستوں کو بھیجیں
News ID : 193695
Published : 13/5/2018 8:47

ایران کے خلاف امریکہ کی محاذ آرائی کے خلاف کشمیر میں مظاہرے

امریکہ کا اصل نشانہ ایران کا اسلامی انقلاب ہے جبکہ جوہری پروگرام صرف ایک بہانہ ہے۔

ولایت پورٹل:ایران کے خلاف امریکہ کی نئی محاذ آرائی کے خلاف  ہندوستان کے زیر انتظام کشمیر کے ضلع بڈگام میں احتجاجی مظاہرے کئے گئے،مظاہرین سے خطاب کرتے ہوئے ہندوستان کے زیر انتظام کشمیر کی تنظیم، انجمن شرعی شیعیان کے سربراہ اور سینئر حریت رہنما آغا سید حسن الموسوی الصفوی نے ایران اور عالمی طاقتوں کے درمیان ہونے والے جوہری معاہدے سے امریکی علیحدگی کو ٹرمپ کی اسلام و مسلم دشمن عزائم کی کڑی سے تعبیر کیا،انہوں نے کہا کہ امریکہ کا یہ خود ساختہ فیصلہ اسلامی جمہوری ایران کا کچھ نہیں بگاڑ سکتا،آغا سید حسن نے کہا کہ امریکہ کا یہ فیصلہ غیر متوقع نہیں تھا اور رہبر معظم آیت اللہ العظمی سید علی خامنہ ای نے روز اول سے ہی اس معاہدے سے متعلق امریکہ کی نیت پر خدشات کا اظہار کیا تھا،انہوں نے کہا کہ جس قدر امریکہ ایران کے ساتھ مخاصمت کی راہ اختیار کرے گا، ایران اور اسلامی انقلاب اتنا ہی مستحکم اور ناقابل تسخیر بن جائے گا،اس دوران مولانا سید یوسف الموسوی نے امریکہ اوراسرائیل کے جابرانہ عزائم پر اظہار خیال کرتے ہوئے کہا کہ امریکہ کا اصل نشانہ ایران کا اسلامی انقلاب ہے جبکہ جوہری پروگرام صرف ایک بہانہ ہے۔
سحر





آپکی رائے



میرا تبصرہ ظاہر نہ کریں
تصویر امنیتی :
Sunday - 2018 Dec 16