Monday - 2018 Nov 19
Languages
دوستوں کو بھیجیں
News ID : 196268
Published : 7/11/2018 13:41

ایران سمیت دنیا بھر میں رسول اکرم ؐ اور امام حسنؑ کا یوم غم

اسلامی جمہوریہ ایران سمیت دنیا کے بیشتر ملکوں میں رسول خدا ؐ کا یوم رحلت اور آپ کے نواسے حضرت امام حسن مجتبی ؑ کا یوم شہادت انتہائی عقیدت و احترام کے ساتھ منایا جا رہا ہے۔

ولایت پورٹل:اسلامی جمہوریہ ایران میں رسول خدا حضرت محمد مصطفی صلی اللہ و علیہ و آلہ وسلم کی رحلت اور امام حسن مجتبی علیہ السلام کی شہادت کے حوالے سے کل رات سے شروع ہونے والی عزاداری کا سلسلہ جاری ہے اور ملک بھر کی مساجد و امام بارگاہوں اور مقامات مقدسہ میں مجالس عزا منعقد کی جا رہی ہیں، بعض شہروں میں جلوس ہائے عزا بھی برآمد کیے جا رہے ہیں جن میں بڑی تعداد میں عزادار شریک ہیں،حضرت رسول ؐو نواسہ رسول ؑکی رحلت و شہادت کےسلسلے کا سب سے بڑا اجتماع مشہد المقدس میں بارگاہ حضرت علی ابن موسی الرضا میں منعقد کیا جا رہا ہے جہاں ایران اور دنیا بھر سے آئے ہوئے زائرین کی کثیر تعداد موجود ہے اور روضہ رضوی کے تمام صحن اور راہداریاں عقیدت مندوں سے چھلک رہی ہیں،ارد گرد کی تمام شاہراہوں پر لوگ ماتمی دستوں کی شکل میں نوحہ خوانی اور سینہ زنی کرتے ہوئے بارگاہ رضوی کی جانب رواں دواں ہیں اور آپ کو آپ کے جد بزرگوار کا پرسہ دے رے ہیں،قم المقدس میں حضرت فاطمہ معصومہ سلام اللہ علیہا کے روضے میں بھی ہزاروں کی تعداد میں ملکی اورغیر ملکی زائرین جمع ہیں اور مجالس عزا کا انعقاد کیا جا رہا ہے، قم المقدسہ کے بعض علاقوں سے چھوٹے بڑے ماتمی جلوس بھی برآمد کیے جا رہے ہیں جو بارگاہ حضرت معصومہ پہنچ کر ختم ہوں گے، تہران میں حضرت عبدالعظیم حسنی اور امامزادہ صالح علیہ السلام کا روضہ زائرین سے بھرا ہوا ہے اور علمائے کرام فضائل و مناقب اہلبیت علیھم السلام بیان کر رہے ہیں،تہران کی تمام مساجد و امامبارگاہوں اور اہلبیت علیھم السلام کی برگزیدہ ہستیوں کے روضوں میں مجالس عزا منعقد کی جا رہی ہیں جن میں لاکھوں کی تعداد میں عزادار، رسول اور آل رسول کی مصیبتوں کو یاد کرکے اشک غم بہا رہے ہیں،بدھ کی شام سے شروع ہونے والا عزاداری کا یہ سلسلہ امام رضا علیہ السلام کے یوم شہادت تک جاری رہے گا، حضرت امام رضا علیہ السلام کا یوم شہادت کل جمعرات کو منایا جائے گا،عراق، شام، لبنان، پاکستان ، ہندوستان اور دنیا کے دیگر شہروں میں بھی رسول خدا صلی اللہ علیہ و آلہ وسلم کی رحلت اور نواسہ رسول حضرت امام حسن علیہ السلام کے یوم شہادت کی مناسب سے مجالس عزا منعقد کیے جانے کی خبریں موصول ہورہی ہیں۔
سحر




آپکی رائے



میرا تبصرہ ظاہر نہ کریں
تصویر امنیتی :
Monday - 2018 Nov 19