Friday - 2019 January 18
Languages
دوستوں کو بھیجیں
News ID : 77040
Published : 15/6/2015 21:2

انصاراللہ کا وفد جنیوا مذاکرات میں شرکت کرے گا

یمن کی عوامی تحریک انصاراللہ جنیوا میں یمنی گروہوں کے مذاکرات میں شرکت کرنے سوئیزرلینڈ روانہ ہوگئی ہے۔
فارس نیوز ایجنسی کے مطابق انصاراللہ کے ایک رہنما عبدالجلیل عدنان الشلل نے وفد کی جنیوا روانگی کی تصدیق کردی ہے۔ یہ وفد صنعا سے بذریعہ ہوائی جہاز جنیوا کے لئے روانہ ہوا ہے۔ عدنان الشلل نے بتایا ہے کہ جینوا جانے والے وفد میں فی الحال دو افراد شامل ہیں۔ انہوں نے مزید کہا کہ عمان کے دارالحکومت مسقط میں صلاح و مشورے کی غرض سے موجود انصاراللہ کے رہنما بھی جنیوا مذاکرات میں شامل ہوجائیں گے۔ اطلاعات ہیں کہ سابق صدر علی عبداللہ صالح کی نیشنل کانگریس کا دو رکنی وفد بھی جنیوا مذاکرات میں شرکت کرے گا۔ جنیوا میں یمنی گروہوں کےدرمیان مذاکرات آج اتوار کو ہونے والے تھے لیکن بعض مسائل کی وجہ سے کل تک کے لئے ملتوی کردیئے گئے- اس سے قبل یمن کے امور میں اقوام متحدہ کے خصوصی نمائندے اسماعیل ولد شیخ احمد اور تحریک انصاراللہ نے جنیوا میں صرف یمنی گروہوں کے مذاکرات پر زور دیا تھا- اسماعیل ولد شیخ احمد نے کہا ہے کہ جنیوا مذاکرات صرف یمنی گروہوں کے درمیان ہونگے اور دوسرے ملکوں سے بات چیت محض مشورتی نوعیت کی ہوگی-


آپکی رائے



میرا تبصرہ ظاہر نہ کریں
تصویر امنیتی :
Friday - 2019 January 18