Monday - 2018 Dec 10
Languages
دوستوں کو بھیجیں
News ID : 77179
Published : 18/6/2015 21:3

ویانا میں ایٹمی مذاکرات کا سلسلہ پھر شروع

ویانا میں ایران اور گروپ پانچ جمع کے درمیان مذاکرات کے آٹھویں دور کے نئے سیشن کا آغاز ہو گیا ہے- ایران کے نائب وزرائے خارجہ سید عباس عراقچی و مجید تخت روانچی اور یورپی یونین کے خارجہ پالیسی شعبے کی نائب سربراہ ہیلگا اشمد کے درمیان آٹھویں دور کے دوسرے سیشن کے مذاکرات بدھ کی شام اختتام پذیر ہوگئے تھے- جامع ایٹمی معاہدے کے مسودے کی تدوین کے لئے ایران اور گروپ پانچ جمع ایک کے درمیان مذاکرات کا آٹھواں دور بدھ کے روز شروع ہوا ہے۔ امریکی نائب وزیر خارجہ ونڈی شرمین بھی مذاکرات میں شرکت کے لئے ویانا پہنچ رہی ہیں۔ وہ گروپ پانچ جمع ایک میں امریکا کی نمائندگی کریں گی۔ اب سے پہلے تک ایٹمی مذاکرات کے سات دور ہوچکے ہیں- ان مذاکرات کا ایک دور نیویارک میں اور چھے دور ویانا میں ہوئے ہیں- نیویارک میں این پی ٹی معاہدے پر نظر ثانی کانفرنس کے موقع پر ایٹمی مذاکرات کا ایک دور منعقد ہوا تھا- جامع ایٹمی معاہدے کے حصول کے لئے آخری تاریخ یکم جولائی مقرر کی گئی ہے-


آپکی رائے



میرا تبصرہ ظاہر نہ کریں
تصویر امنیتی :
Monday - 2018 Dec 10