Tuesday - 2018 Nov 20
Languages
دوستوں کو بھیجیں
News ID : 77850
Published : 2/7/2015 10:58

حماس نے فتح رہنما کے بیانات مسترد کردیئے

تحریک حماس کے ترجمان سامی ابو زہری نے تحریک فتح کی مرکزی کمیٹی کے رکن عزام احمد کے بیانات کو بے بنیاد اور مضحکہ خیز قرار دیا ہے- ترکی کی خبر رساں ایجنسی آناتولی کی رپورٹ کے مطابق فلسطین کی تحریک حماس کے ترجمان سامی ابو زہری نے بدھ کے دن کہا ہے کہ تحریک فتح کی مرکزی کمیٹی کے رکن عزام احمد کے یہ بیانات حقائق کے منافی اور مضحکہ خیز ہیں کہ فلسطین کی نئی حکومت کی تشکیل کے لئے تحریک حماس کے ساتھ اس کی مشاورت ناکام ہو گئی ہے- سامی ابو زہری نے مزید کہا کہ تحریک فتح اپنی پسند کی حکومت تشکیل دینا چاہتی ہے اور وہ اس سلسلے میں دوسری جماعتوں کے نظریات کو خاطر میں نہیں لاتی- تحریک حماس کے ترجمان نے مزید کہا کہ نئی حکومت کی تشکیل کے مقصد سے دوسری جماعتوں کے ساتھ تحریک فتح کی مشاورت شروع نہیں ہوئی ہے اور اس نے اس سلسلے میں تحریک حماس کے ساتھ ہرگز کوئی بات نہیں کی ہے- فلسطین کی تحریک حماس کے ترجمان سامی ابو زہری نے مزید کہا کہ مشاورت اور مذاکرات کی ناکامی سے متعلق تحریک فتح کے رہنماؤں کے بیانات بے بنیاد ہیں- واضح رہے کہ تحریک فتح کی مرکزی کمیٹی کے رکن عزام احمد نے منگل کے دن تحریک حماس پر الزام عائد کیا تھا کہ وہ فلسطین کی نئی متحدہ قومی حکومت سے متعلق مذاکرات کی ناکامی کا باعث بنی ہے اور تنظیم آزادی فلسطین اس نتیجے پر پہنچی ہے کہ تحریک حماس نئی حکومت کا قیام نہیں چاہتی ہے-


آپکی رائے



میرا تبصرہ ظاہر نہ کریں
تصویر امنیتی :
Tuesday - 2018 Nov 20