Tuesday - 2018 july 17
Languages
دوستوں کو بھیجیں
News ID : 78776
Published : 15/7/2015 11:33

ایران اور گروپ پانچ جمع ایک کا مشترکہ اعلامیہ جاری

اسلامی جمہوریہ ایران کے وزیر خارجہ اور یورپی یونین کی خارجہ پالیسی شعبے کی سربراہ نے ویانا میں مشترکہ اعلامیہ پڑھ کر سنایا-

موصولہ رپورٹ کے مطابق ویانا میں اسلامی اسلامی جمہوریہ ایران کے وزیر خارجہ محمد جواد ظریف اور یورپی یونین کی خارجہ پالیسی شعبے کی سربراہ فیڈریکا موگرینی نے ویانا میں ایران اور گروپ پانچ جمع ایک کے ایٹمی مذاکرات کا مشترکہ اعلامیہ پڑھ کر سنایا- مشترکہ اعلامئے کا اردو ترجمہ کچھ اس طرح ہے-

آج کا دن ایک تاریخی دن ہے- ہمارے لئے اس بات کا اعلان کرنا باعث فخر ہے کہ ایران کے ایٹمی پروگرام کے بارے میں ہمارے درمیان اتفاق ہو گیا ہے- شجاعت، سیاسی عزم، باہمی احترام، اچھی مینیجمنٹ کے ساتھ ہم نے وہ کام کر دکھایا جس کی دنیا کو امید تھی- جو کہ اپنی دنیا کو محفوظ بنانے کے لئے مشترکہ کوشش اور قیام امن کے مشترکہ عہد سے عبارت ہے- آج کا دن ایک تاریخی دن ہے کیونکہ ہم اعتماد کی بحالی اور باہمی تعلقات کو نئے مرحلے میں داخل کرنے کا راستہ ہموار کر رہے ہیں- یہ کامیابی اجتماعی کوششوں سے حاصل ہوئی ہے- کوئی بھی یہ نہیں سوچ سکتا تھا کہ یہ ایک آسان کام ہو گا- تاریخ ساز فیصلے کبھی آسان نہیں ہوتے ہیں- لیکن مذاکرات کے تمام تر نشیب و فراز، مذاکرات میں کی جانے والی بار بار کی توسیع کے باوجود ہم نے امید اور ارادے کی بدولت تمام دشوار لمحات پر قابو پا لیا- ہم ہمیشہ سے اس بات سے آگاہ رہے ہیں کہ موجودہ نسل اور آئندہ نسل کے سلسلے میں ہماری ذمہ داریاں ہیں- ہم نے مذاکرات کو کامیابی سے ہمکنار کیا ہے اور دس برسوں سے زیادہ عرصے پر محیط اختلافات کو حل کر لیا ہے- حالیہ عشرے کے دوران بہت سے افراد نے ان مذاکرات کی کامیابی میں کردار ادا کیا اور ہم ان تمام افراد کا شکریہ ادا کرتے ہیں- اسی طرح ہم بنیادی کردار اور قریبی تعاون کی بنا پر ایٹمی توانائی کی عالمی ایجنسی نیز حمایت اور مہمان نوازی کرنے کی بنا پر آسٹریا کی حکومت کا بھی شکریہ ادا کرتے ہیں-


آپکی رائے



میرا تبصرہ ظاہر نہ کریں
تصویر امنیتی :
Tuesday - 2018 july 17