جمعه - 2019 مارس 22
ہندستان میں نمائندہ ولی فقیہ کا دفتر
Languages
Delicious facebook RSS ارسال به دوستان نسخه چاپی  ذخیره خروجی XML خروجی متنی خروجی PDF
کد خبر : 79784
تاریخ انتشار : 31/7/2015 10:38
تعداد بازدید : 5

عراق: مختلف صوبوں میں دہشت گردوں کے خلاف آپریشن

عراق کے مختلف صوبوں میں دہشت گردوں کے خلاف عراق کی سیکورٹی فورسز کے اہلکاروں کا آپریشن جاری ہے۔
الفرات ویب سائٹ کی رپورٹ کے مطابق عراق کی سیکورٹی فورسز کے اہلکاروں نے عوامی رضاکار فورس اور قبائلی رضاکاروں کی مدد سے رمادی شہر کے جنوب میں واقع الانبار یونیورسٹی کے اطراف میں آپریشن کر کے تکفیری دہشت گردوں کے اسلحے کا گودام اور دھماکہ خیز مواد برآمد کرنے کے بعد اپنے کنٹرول میں لے لیا ہے۔ صوبۂ الانبار کی آپریشنل کمانڈ کے ایک فوجی ذریعے نے کہا ہےکہ عراق کی سیکورٹی فورسز کے اہلکاروں اور عوامی رضاکاروں نے مشرقی رمادی میں واقع حصیبہ کے علاقے میں دہشت گرد گروہ داعش کے سرغنے ابوسیاف انصاری اور اس کے پانچ ساتھیوں کو ہلاک اور ان کی پانچ گاڑیوں کو تباہ کر دیا ہے۔ عوامی رضاکار فورس سید الشہدا بریگیڈ نے بھی جنوب مغربی کرکوک میں واقع الحویجہ کے علاقے میں دہشت گرد گروہ داعش کے خفیہ ٹھکانے پر حملہ کر کے اس گروہ کے کم از کم اٹھائیس عناصر کو زخمی کر دیا ہے۔ دریں اثنا صوبۂ الانبار میں ایک فوجی ذریعے نے کہا ہے کہ عراقی سیکورٹی فورسز کے اہلکاروں نے دہشت گرد گروہ داعش کے عناصر پر حملہ کر کے ان میں سے دس عناصر کو ہلاک کر دیا ہے۔ یہ عناصر مغربی رمادی کی جانب سے عراق کی سیکورٹی فورسز کے اہلکاروں پر حملے کا ارادہ رکھتے تھے۔ ہلاک ہونے والے دہشت گردوں میں چیچنیا کا ایک شہری بھی شامل ہے۔


نظر شما



نمایش غیر عمومی
تصویر امنیتی :