Friday - 2019 January 18
Languages
دوستوں کو بھیجیں
News ID : 79797
Published : 31/7/2015 13:22

عالمی منڈیوں میں ایران کے خام تیل کی مانگ

تیل برآمد کرنے والے ممالک کی تنظیم اوپیک کے سیکریٹری جنرل نے کہا ہے کہ خام تیل کی عالمی منڈیاں ایران کے خام تیل کی پیداوار اور کھپت کے لئے تیار ہیں-
رشیا ٹوڈے کی رپورٹ کے مطابق تیل برآمد کرنے والے ممالک کی تنظیم اوپیک کے سیکریٹری جنرل عبداللہ سالم البدری نے جمعرات کے دن ماسکو میں روس کے وزیر توانائی الیگزینڈر نوواک سے ملاقات کے بعد کہا کہ خام تیل کی عالمی منڈیاں ایران کے خام تیل کی پیداوار اور کھپت کے لئے تیار ہیں۔ عبداللہ سالم البدری کا مزید کہنا تھا کہ عالمی سطح پر خام تیل کی طلب میں اضافے اور ایرانی تیل کی عالمی منڈیوں میں آمد کے بعد تیل کی پیداوار میں اضافے کے باوجود عالمی منڈیوں میں تیل کے قمیت میں کمی واقع نہیں ہو گی۔ اسلامی جمہوریہ ایران کے نائب وزیر پیٹرولیم رکن الدین جوادی نے بھی کہا تھا کہ ایران مخالف پابندیوں کے خاتمے کے چھ ماہ بعد ایران کے تیل کی برآمدات روزانہ پچیس لاکھ بیرل تک پہنچ جائیں گی۔ اسلامی جمہوریہ ایران کے نائب وزیر پیٹرولیم کا مزید کہنا تھا کہ ایران روزانہ چالیس لاکھ بیرل تیل کی پیداوار کی صلاحیت رکھتا ہے اور چھٹے ترقیاتی منصوبے میں اس کی تیل کی پیداواری صلاحیت پچاس لاکھ بیرل روزانہ تک پہنچ جائے گی۔


آپکی رائے



میرا تبصرہ ظاہر نہ کریں
تصویر امنیتی :
Friday - 2019 January 18