Monday - 2019 January 21
Languages
دوستوں کو بھیجیں
News ID : 79909
Published : 1/8/2015 13:59

بحرین کے قومی اتحاد کو نقصان پہنچانے کی کوشش

بحرین کی انسانی حقوق کی تنظیم نے اپنے ملک کے حکمراں ٹولے کو عوام کے درمیان تفرقہ پیدا کرنے کا ذمہ دار قرار دیا ہے-
لبنان کے المنار ٹی وی کی رپورٹ کے مطابق بحرین کی انسانی حقوق کی تنظیم کے سربراہ " باقر درویش" نے جمعے کے روز ایک بیان میں کہا ہے کہ آل خلیفہ، بحرینی عوام کے درمیان تفرقہ ڈالنے کی مسلسل کوشش کر رہی ہے اور اس کا ثبوت شاہ بحرین کے مشیر نبیل الحمر کا بیان ہے- انھوں نے کہا کہ شاہ بحرین کے مشیر نے جو بات کہی ہے، وہ اس کینے کا ثبوت ہے جو منامہ حکومت، بحرینی شیعہ مسلمانوں سے رکھتی ہے- انھوں نے کہا کہ حکومت کے تفرقہ انگیز موقف کی، اس کے حامی ذرائع ابلاغ بھی حمایت اور اس کا پروپیگنڈہ کرتے ہیں - بحرین کی انسانی حقوق کی تنظیم کے سربراہ نے کہا کہ آل خلیفہ حکومت، ملک میں آزادی و جمہوریت کی خواہاں عوام کے مظاہروں کو سختی سے کچل دیتی ہے اور تشدد کا سہارا لیتی ہے- باقر درویش نے کہا کہ بحرینی عوام، مسلسل حکومت کی امتیازی پالیسیوں اور تشدد آمیز پالیسیوں کا شکار، اور سماجی انصاف اور شہری حقوق سے محروم ہیں- بحرین کی آل خلیفہ حکومت نے عوامی مظاہروں کو ہمیشہ فرقہ وارانہ رنگ دینے کی کوشش کی ہے لیکن ملت بحرین، قومی اتحاد کا تحفظ کرتے ہوئے ملک میں بنیادی اصلاحات اور حکومت کی تبدیلی کا مطالبہ کرتی رہی ہے-


آپکی رائے



میرا تبصرہ ظاہر نہ کریں
تصویر امنیتی :
Monday - 2019 January 21