Tuesday - 2018 Nov 13
Languages
دوستوں کو بھیجیں
News ID : 80864
Published : 17/8/2015 12:3

سلامتی کونسل میں مستقل رکنیت، ہندوستان کی حمایت

روس نے اعلان کیا ہے کہ وہ اقوام متحدہ کی سلامتی کونسل میں ہندوستان اور برازیل کی مستقل رکنیت کی حمایت کرتا ہے- ہمارے نمائندے کی رپورٹ کے مطابق روس کے وزیر خارجہ سرگئی لاوروف نے کہا کہ ان کا ملک اقوام متحدہ کی سلامتی کونسل کی مستقل رکنیت کے ہندوستان اور برازیل کے مطالبے کی حمایت کرتا ہے اور اس کونسل میں ایک افریقی ملک کی شمولیت کو بھی ضروری سمجھتا ہے- انہوں نے کہا کہ روس سلامتی کونسل میں افریقہ، لاطینی امریکا اور ایشیا کے ترقی پذیر ممالک کے نمائندوں کو کافی نہیں سمجھتا اور یہی وجہ ہے کہ وہ سلامتی کونسل میں ہندوستان اور برازیل کے مطالبے کی حمایت کرتا ہے- ان کا کہنا تھا کہ روسی حکومت کا یہ خیال ہے کہ سلامتی کونسل میں براعظم افریقہ کا بھی ایک مستقل نمائندہ ہونا چاہئے- قابل ذکر ہے کہ اقوام متحدہ کی سلامتی کونسل کے پانچ مستقل اور دس غیر مستقل ارکان ہیں جبکہ مستقل ارکان کو ویٹو کا حق حاصل ہے- سلامتی کونسل کے ارکان کی تعداد گیارہ سے بڑھا کر پندرہ کی گئی تھی اور اب ایک بار پھر اس کے ارکان کی تعداد میں اضافے کا موضوع زیر بحث ہے-


آپکی رائے



میرا تبصرہ ظاہر نہ کریں
تصویر امنیتی :
Tuesday - 2018 Nov 13