Tuesday - 2018 Oct. 23
Languages
دوستوں کو بھیجیں
News ID : 81124
Published : 21/8/2015 11:8

دراندازی کی ہرگز اجازت نہیں دی جائے گی، سپاہ پاسداران انقلاب اسلامی

سپاہ پاسداران انقلاب اسلامی نے تاکید کے ساتھ اعلان کیا ہے کہ ایران میں دراندازی کی کسی بھی کوشش کو کامیاب نہیں ہونے دیا جائے گا۔ سپاہ پاسداران انقلاب اسلامی کے کمانڈر، میجر جنرل محمد علی جعفری نے اعلان کیا ہے کہ سپاہ پاسداران انقلاب اسلامی، ایرانی عوام کے شانہ بشانہ تسلط پسند طاقتوں کی دراندازی کی کوئی بھی ممکنہ کوشش کامیاب نہیں ہونے دے گی۔ میجر جنرل محمد علی جعفری نے کہا کہ ایرانی قوم نے اہلبیت اطہار علیہم السلام کی تعلیمات اور حضرت امام خمینی رح کی سیاسی روش اور طریقوں کو مشعل راہ قرار دیا ہے جس کی رو سے یہ قوم ایک آزاد، خودمختار اور طاقتور قوم ہے۔ انہوں نے کہا کہ ایرانی عوام، اسلامی انقلاب کو عظیم اسلامی تمدن کا پیش خیمہ سمجھتے ہیں اور اسی مقصد کے تحت وہ، دشمنوں کے مقابلے میں ڈٹے ہوئے ہیں۔ دوسری جانب ایران کی برّی فوج کے کمانڈر بریگیڈیر جنرل احمد رضا پوردستان نے بھی زور دیکر کہا ہے کہ ایران کی مسلح افواج، ہر قسم کے خطرے سے نمٹنے کے لئے پوری طرح تیار ہیں۔ بریگیڈیر جنرل احمد رضا پوردستان نے اعلان کیا کہ رہبر انقلاب اسلامی کے فرمان کے مطابق فوجی مراکز کے معائنے کی اجازت ہرگز نہیں دی جائے گی اور کوئی بھی معائنہ کار، ایران کے فوجی مراکز میں داخل نہیں ہو سکتا۔


آپکی رائے



میرا تبصرہ ظاہر نہ کریں
تصویر امنیتی :
Tuesday - 2018 Oct. 23