Thursday - 2018 Dec 13
Languages
دوستوں کو بھیجیں
News ID : 81149
Published : 22/8/2015 10:32

مشرقی افغانستان میں پاکستان کے حملوں پر کابل کی تشویش

افغانستان کی قومی سلامتی کونسل نے اپنے ملک کے مشرقی علاقوں پر پاکستان سے حملے جاری رہنے پر گہری تشویش ظاہر کی ہے- موصولہ رپورٹ کے مطابق افغانستان کی قومی سلامتی کونسل کے پریس شعبے کے سربراہ نجیب منلائی نے کہا ہے کہ حکومت پاکستان، اس طرح کے حملے جاری رکھ کر افغان حکومت کو مذاکرات کی میز پر لانا اور پاکستان کے ساتھ ڈیورنڈ لائن کے بارے میں گفتگو کرنا چاہتی ہے- انھوں نے کہا کہ پاکستان، گذشتہ بیس برسوں سے افغانستان اور پاکستان کے درمیان ڈیورنڈ لائن کو تسلیم کرانا چاہتا ہے اور بہت سے سرحدی علاقوں میں اس نے اسی ڈیورنڈ لائن کو عبور کر کے تمام علامتوں کو افغانستان کے علاقوں کے اندر پہنچا دیا ہے- افغانستان کی قومی سلامتی کونسل کے پریس شعبے کے سربراہ کے بقول، پاکستان حتی محمد اشرف غنی پر دباؤ ڈالنا چاہتا ہے تاکہ کابل، اقوام متحدہ کی سلامتی کونسل میں شکایت کرے اور پھر یہ کونسل ثالثی کرے اور اس طرح ، افغانستان اور پاکستان کے درمیان ڈیورنڈ لائن کو تسلیم کرالیا جائے تاہم افغانستان اسے ہرگز تسلیم نہیں کرے گا- قابل ذکر ہے کہ افغانستان کے صدر محمد اشرف غنی نے ابھی حال ہی میں اس سلسلے میں خبردار کیا ہے کہ کوئی بھی ملک، افغان حکومت کو دھمکی دے کر اپنے مطالبات مسلط نہیں کر سکتا-


آپکی رائے



میرا تبصرہ ظاہر نہ کریں
تصویر امنیتی :
Thursday - 2018 Dec 13