Tuesday - 2018 Nov 13
Languages
دوستوں کو بھیجیں
News ID : 84632
Published : 5/10/2015 18:1

صیہونی فوجیوں کی فائرنگ: 3 فلسطینی شہید، 400 زخمی

صیہونی فوجیوں کے حملوں میں کم سے کم تین فلسطینی شہید اور چار سو سے زائد زخمی ہوگئے ہیں۔ فلسطین کی ہلال احمر سوسائٹی نے بتایا ہے کہ غرب اردن میں صیہونی فوجیوں اور مظلوم نہتے فلسطینیوں کے درمیان، چوبیس گھنٹے سے جاری جھڑپوں میں کم سے کم تین فلسطینی شہید اور چار سو سے زائد زخمی ہوچکے ہیں۔

 فلسطین کی ہلا ل احمر نے بتایا ہے کہ ایک سو بیس فلسطینیوں کو گولی لگی ہے۔ اس رپورٹ کے مطابق دو سو چونتیس فلسطینی آنسو گیس کی بے تحاشا شیلنگ اور دیگر وسائل سے زخمی ہوئے ہیں ۔
 یہ ایسی حالت میں ہے کہ فلسطین کی ہلال احمر نے اتوار کو غرب اردن اور مشرقی بیت المقدس کے سبھی اسپتالوں میں ایمرجنسی کا اعلان کردیا تھا۔
دوسری طرف صیہونی فوجیوں نے مسجد الاقصی کے محاصرے کا سلسلہ پیر کو بھی جاری رکھا ہے۔ رپورٹوں میں بتایا گیا ہے کہ بیت المقدس کے علاقے العیسیویہ میں بہت زیادہ صیہونی فوجی تعینات ہوگئےہیں اور وہ کسی کو بھی مسجد الاقصی کے قریب نہیں جانے دے رہے ہیں۔
 اس رپورٹ کے مطابق صیہونی فوجی بیت المقدس کے العیسیویہ کے علاقے میں لوگوں کے گھروں کی چھتوں پر مورچہ بند ہوگئے ہیں اوروہاں سے فلسطینیوں پر فائرنگ کرررہے ہیں۔


آپکی رائے



میرا تبصرہ ظاہر نہ کریں
تصویر امنیتی :
Tuesday - 2018 Nov 13