Thursday - 2018 Dec 13
Languages
دوستوں کو بھیجیں
News ID : 85601
Published : 19/10/2015 6:25

ایران اور روس ٹرانسپورٹ شعبے میں تعاون بڑھائیں گے

ایران اور روس نے بحری، زمینی اور فضائی نقل و حمل میں تعاون بڑھانے پر اتفاق کیا ہے

ٹرانپسورٹ شعبے میں ایران اور روس کے ورکنگ گروپس کا اجلاس ماسکو میں منعقد ہوا۔ اس اجلاس میں ٹرانپسورٹ کے شعبے میں دونوں ملکوں کے تعاون میں توسیع لانے کی راہوں کا جائزہ لیا گیا۔

ماسکو میں اسلامی جمہوریہ ایران کے سفارتخانے کے پریس سنٹر نے اعلان کیا ہے کہ ہفتے کے دن ایران اور روس کے ورکنگ گروپوں کا اجلاس ہوا جس میں ایران کے نائب وزیر ٹرانسپورٹ امیر امینی کی سربراہی میں ایرانی وفد نے شرکت کی۔

اس اجلاس میں ٹرینوں کو بجلی سے چلانےکے امور اور ایرانی اور روسی جہازوں کو درپیش مشکلات کے بارے میں معلومات کے تبادلے نیز ولگا کینال کو مزید گہرا بنانے پر تبادلہ خیال ہوا۔

ٹرانسپورٹ کے شعبے میں ایران اور روس کے متعدد اجلاس ہوئے ہیں جن میں ایران اور روس کے درمیاں بسوں کی منظم آمد و رفت، شمال جنوب راستے کو فعال بنانے، ایک دوسرے کی بندرگاہوں پر ایک دوسرے کے جہازوں کی چیکنگ کے لئے ورکنگ گروپس کی تشکیل نیز فضائی ٹرانسپورٹ میں توسیع لانے جیسے مسائل پر سمجھوتے ہوئے ہیں۔

ایران اور روس کے نائب وزراے ٹرانسپورٹ کی ملاقات اور ٹرانپسورٹیشن ورکنگ گروپس کے درمیاں مفاہمتی نوٹ پر دستخط ایرانی وفد کے دورہ روس کے ثمرات میں شامل ہے۔


آپکی رائے



میرا تبصرہ ظاہر نہ کریں
تصویر امنیتی :
Thursday - 2018 Dec 13