Wed - 2019 January 16
Languages
دوستوں کو بھیجیں
News ID : 86683
Published : 6/11/2015 18:37

صیہونی فوج کا حملہ، متعدد فلسطینی زخمی

صیہونی فوجیوں نے غرب اردن کے ایک گاؤں پر حملہ کرکے متعدد فلسطینیوں کو زخمی کردیا ہے۔

فلسطینی خبر رساں ایجنسی معا کی رپورٹ کے مطابق غاصب صیہونی فوجیوں نے غرب اردن میں نابلس شہر کے جنوب میں واقع قصرہ گاؤں پر بدھ کی رات حملہ کیا جس کے نتیجے میں متعدد فلسطینی زخمی ہوگئے۔

صیہونی فوجیوں نے حملے کے دوران فلسطینی نوجوانوں کی طرف جنگی گولیاں چلائیں اور کم سے کم چودہ فلسطینی نوجوانوں کو زخمی کردیا۔

اس رپورٹ کے مطابق صیہونی فوجیوں نے فلسطینیوں کی طرف زہریلی اور آنسوگیس کے گولے بھی داغے جس کے نتیجے میں کم سے کم بیس فلسطینیوں کو سانس لینے میں شدید تکلیف کا سامنا ہوا۔

صیہونی فوجیوں نے غرب اردن کے مختلف علاقوں میں فلسطینیوں کے گھروں پر حملہ کرکے اٹھائیس فلسطینیوں کو گرفتار بھی کرلیا۔ گرفتار کئے گئے فلسطینیوں میں ا یک عورت اور کئی بچے شامل ہیں۔


آپکی رائے



میرا تبصرہ ظاہر نہ کریں
تصویر امنیتی :
Wed - 2019 January 16