سه شنبه - 2019 مارس 19
ہندستان میں نمائندہ ولی فقیہ کا دفتر
Languages
Delicious facebook RSS ارسال به دوستان نسخه چاپی  ذخیره خروجی XML خروجی متنی خروجی PDF
کد خبر : 90100
تاریخ انتشار : 27/12/2015 6:15
تعداد بازدید : 8

دہشت گردی کے خلاف عالمی محاذ کے قیام کا مطالبہ

روس کے وزیر خارجہ سرگئی لاؤروف نے ایک بار پھر دہشت گردی کے خلاف عالمی محاذ کے قیام کا مطالبہ کیا ہے۔

ماسکو میں قطر کے وزیر خارجہ کے ساتھ مشترکہ پریس کانفرنس سے خطاب کرتے ہوئے روسی وزیر خارجہ سرگئی لاؤروف نے کہا کہ دہشت گردی کے خلاف جنگ کے لیے عالمی محاذ کا قیام ضروری ہے۔ روسی وزیر خارجہ نے کہا کہ انہوں نے اپنے قطری ہم منصب کے ساتھ ملاقات میں دہشت گردی کے خلاف جنگ سمیت خطے کی تازہ ترین صورتحال پر تبادلہ خیا ل کیا ہے۔

سرگئی لاؤروف کا کہنا تھا شام کے بحران کو عالمی قراردادوں کے تناظر میں حل کیا جانا چاہیے۔ روسی وزیر خارجہ نے ایک بار پھر یہ بات زور دیکر کہی کہ شام کے انتخابات میں صدر بشار اسد کی شرکت کا امریکہ سے کوئی تعلق نہیں ہے اور اس بات کا فیصلہ صرف شامی عوام ہی کرسکتے ہیں۔

سرگئی لاؤروف نے واضح کیا کہ شام کے بارے میں روس اور قطر کے درمیان بنیادی اختلافات پائے جاتے ہیں۔ انہوں نے کہا کہ روس، شام کے اقتداراعلی ، ارضی سالمیت اور شامی عوام کے حقوق کی بھرپور حمایت کرتا ہے۔

سرگئی لاؤروف کا کہنا تھا کہ افسوس اس بات کا ہے کہ شام کے اقتدار اعلی کی خلاف ورزی کی جارہی ہے اور دنیا کے مختلف ملکوں حتی روس سے بھی دہشت گرد شام جارہے ہیں۔ قطر کے وزیر خارجہ خالدبن محمد العطیہ نے اس موقع پر کہا کہ روسی وزیر خارجہ کے ساتھ ان کی بات چیت مثبت رہی ہے۔ ان کا کہنا تھا کہ قطر روس کے ساتھ تعلقات کو مضبوط بنانے کی کوشش کر رہا ہے۔


نظر شما



نمایش غیر عمومی
تصویر امنیتی :