Monday - 2018 Sep 24
Languages
دوستوں کو بھیجیں
News ID : 90248
Published : 28/12/2015 20:9

یورپی ملکوں کو اپنی غلطیوں کا احساس ہوگیا: روسی وزیر خارجہ سرگئی لاؤروف

روس کے وزیر خارجہ سرگئی لاؤروف نے کہا ہے کہ یورپی ملکوں کو ماسکو کے بارے میں اپنی غلطیوں کا احساس ہوگیا ہے۔

اسپوتنک نیوز کے مطابق وزیرخارجہ سرگئی لاؤروف نے اپنے ایک بیان میں کہا ہے کہ یورپی یونین نے یوکرین کے اندرونی بحران کی آڑ میں روس کے خلاف محاذ آرائی کو ایک غلطی تسلیم کرلیا ہے۔ انہوں نےکہا کہ اس غلطی کے بارے میں مغربی ممالک کے اعلی عہدیدار روسی حکام کے ساتھ ملاقاتوں میں کچھ اور ذرائع ابلاغ میں کچھ اور کہتے ہیں۔

سرگئی لاؤروف نے کہا کہ یوکرین کو مغربی ملکوں کی غلط خارجہ پالیسی کی بھینٹ چڑھا دیا گیا ہے اور اس صورتحال نے یوکرین کی حکومت کو انتہائی خطرناک دوراہے پر پہنچادیا ہے۔سرگئی لاؤروف نے ایک بار پھر اپنے ملک کے اس موقف کو دوہرایا کہ روس کے خلاف محاذ آرائی کرکے مغرب نے بہت بڑی غلطی کا ارتکاب کیا ہے۔

قابل ذکر ہے کہ جرمنی کے وزیر خزانہ زگمار گیبرل نے اپنے ایک بیان میں، ماسکو برلن تعلقات کو معمول پر لائے جانے کی حمایت کرتے ہوئے کہا تھا کہ مغرب اور روس کے درمیان سرد مہری کا خاتمہ ضروری ہے۔ سرگئی لاؤروف نے کہا کہ اگرچہ روس اوریورپی یونین کے تعلقات مشکلات کا شکار ہیں تاہم باہمی مشارکت کا امکان بدستور موجود ہے۔


آپکی رائے



میرا تبصرہ ظاہر نہ کریں
تصویر امنیتی :
Monday - 2018 Sep 24