Monday - 2018 Sep 24
Languages
دوستوں کو بھیجیں
News ID : 90269
Published : 29/12/2015 17:48

دوہزار سولہ داعش کے خاتمے کا سال ہوگا: عراقی وزیراعظم

عراق کے وزیر اعظم نے شہر الرمادی کی مکمل آزادی کی مبارک باد پیش کرتے ہوئے کہا ہے کہ دو ہزار سولہ داعش پر فتح کا سال ہوگا-

عراقی وزیراعظم حیدر العبادی نے عراقی قوم اور فوج کے نام صوبہ الانبار کے صدر مقام الرمادی کی داعش کے قبضے سے مکمل آزادی کی مبارک باد دیتے ہوئے کہا ہے کہ دو ہزار سولہ داعش کی مکمل شکست اورعراق پر قابض دہشت گردوں پر مکمل کامیابی کا سال ہوگا-

انھوں نے الرمادی کی آزادی کی کارروائی لمبی ہونے کے سلسلے میں کہا کہ عراقی حکومت کے لئے الرمادی کے عام شہریوں کی جان کی حفاظت نہایت اہم تھی اور یہی وجہ تھی کہ اس شہر کی آزادی میں زیادہ وقت لگا-

حیدر العبادی نے موصل کی آزادی کے لئے آپریشن جاری رہنے پر تاکید کرتے ہوئے کہا کہ ہم موصل کی آزادی کی طرف بڑھ رہے ہیں تاکہ داعش پر فیصلہ کن کاری ضرب لگا سکیں- اور یہ کامیابی عراقی قوم اور حکومت کے عزم سے حاصل ہوگی-

عراقی فوج نے ایک بیان میں داعش کے قبضے سے الرمادی شہر کی مکمل آزادی کا اعلان کیا ہے- تکفیری دہشت گرد گروہ داعش نے بھی الرمادی میں اپنی شکست کا اعتراف کر لیا ہے-


آپکی رائے



میرا تبصرہ ظاہر نہ کریں
تصویر امنیتی :
Monday - 2018 Sep 24