Monday - 2018 Sep 24
Languages
دوستوں کو بھیجیں
News ID : 90276
Published : 29/12/2015 18:36

خاتم الانبیاء اور صادق آل محمد (ص) کا یوم ولادت مبارک ہو

اسلامی جمہوریہ ایران کے چپے چپے پر خاتم الانبیاء حضرت محمد مصطفی (ص) اور صادق آل محمد حضرت امام جعفر صادق علیہ السلام کے یوم ولادت باسعادت کا جشن منایا جا رہا ہے-

رپورٹوں کے مطابق دنیا کے دیگر ملکوں کی مانند اسلامی جمہوریہ ایران میں بھی پیغمبر اسلام حضرت محمد مصطفی صلی اللہ علیہ و آلہ وسلم اور فرزند رسول حضرت امام جعفر صادق علیہ السلام کے یوم ولادت کی مناسبت  سےجشن و مسرت کی تقریبات کا انعقاد کیا گیا ہے-

اس پر برکت موقع کی مناسب سے ایران کے تمام چھوٹے بڑے شہروں اور دیہاتوں بالخصوص مشھد مقدس، قم ، اصفہان ، شیراز اور تہران میں گذشتہ رات سے ہی جشن و مسرت کی تقریبات کا سلسلہ جاری ہے- خوشی کے اس مبارک موقع پر مشہد مقدس میں فرزند رسول حضرت امام علی ابن موسی الرضا (ع) اور قم میں حضرت معصومہ سلام اللہ علیھا کے روضوں پر خصوصی تقریبات کا انعقاد کیا گیا ہے- ان تقریبات میں علماء و ذاکرین نے رسول اسلام (ص) اور حضرت امام جعفرصادق (ع) کی سیرت طیبہ پر روشنی ڈالی اور شعراء نے نعتیہ اشعار پڑھے اور قصیدہ خوانی کی -

ایران اسلامی میں اس موقع پر اتحاد بین المسلمین کے دلفریب مناظر بھی نظرآ رہے ہیں کیونکہ شیعہ سنی مسلمان مل کر حضرت ختمی مرتبت اور صادق آل محمد (ع) کے یوم ولادت کا جشن منا رہے ہیں اور ایک دوسرے کو مبارکباد پیش کر رہے ہیں- تہران کے عوام نے بھی اس مبارک موقع کی مناسبت سے جگہ جگہ نذر و نیاز اور مٹھائی و شربت کا اہتمام کر رکھا ہے -

اہلسنت بارہ ربیع الاول کو رسول اسلام حضرت محمد مصطفی صلی اللہ علیہ و آلہ و سلم کا یوم ولادت مناتے ہیں جبکہ شیعہ مسلمانوں کی روایت کے مطابق آپ صلی اللہ علیہ و آلہ وسلم کا یوم ولادت سترہ ربیع الاول ہے ۔  بانی انقلاب اسلامی نے اتحاد بین مسلمین کو فروغ دینے کی غرض سے بارہ سے سترہ ربیع الاول کو ہفتہ وحدت قرار دیا ہے اور ایران اور دنیا کے مختلف ممالک میں اس مناسبت سے بارہ ربیع الاول سے لے کر سترہ ربیع الاول تک مختلف تقریبات کا انعقاد ہوتا ہے- اسلامی جمہوریہ ایران کا ریڈیو ٹیلی ویژن کا ادارہ پورے عالم اسلام بالخصوص اپنے سامعین و ناظرین کی خدمت میں پیغمبر رحمت ختمی مرتبت حضرت محمد مصطفی (ص) اور صادق آل محمد فرزند رسول حضرت امام جعفر صادق علیہ السلام کے یوم ولادت کی مبارک باد پیش کرتا ہے-


آپکی رائے



میرا تبصرہ ظاہر نہ کریں
تصویر امنیتی :
Monday - 2018 Sep 24