Monday - 2018 Dec 10
Languages
دوستوں کو بھیجیں
News ID : 91385
Published : 14/1/2016 19:14

عراق: بغداد بم دھماکوں میں ملوث عناصر گرفتار

عراقی وزیر اعظم حیدر العبادی نے بغداد کے حالیہ بم دھماکوں میں ملوث عناصر کی گرفتاری کی خبر دی ہے۔

فارس خبر رساں ایجنسی کی رپورٹ کے مطابق عراقی وزیر اعظم حیدر العبادی نے بدھ کے دن صوبہ بصرہ کے ججوں کے ساتھ ایک اجلاس کے دوران کہا کہ عراقی سیکورٹی فورسز کے اہلکاروں نے پیر کے دن بغداد کے الجدیدہ علاقے میں ہونے والے دہشت گردانہ بم دھماکوں میں ملوث عناصر کو گرفتار کر لیا ہے۔

عراقی وزیر اعظم نے معاشرے میں عدل و انصاف کی برقراری اور انسانی شرف کے تحفظ پر تاکید کرتے ہوئے کہا کہ اس سلسلے میں ججوں کے کاندھوں پر بھاری ذمے داری عائد ہوتی ہے اور ان کو اپنا کردار بطریق احسن انجام دینا چاہئے۔

واضح رہے کہ پیر کے دن عراق کے دارالحکومت بغداد کے شمال مشرق میں دو دہشت گردانہ بم دھماکے ہوئے تھے جن کے نتیجے میں بیس افراد جاں بحق اور پچاس زخمی ہوگئے تھے۔


آپکی رائے



میرا تبصرہ ظاہر نہ کریں
تصویر امنیتی :
Monday - 2018 Dec 10