Thursday - 2018 August 16
Languages
دوستوں کو بھیجیں
News ID : 91752
Published : 19/1/2016 12:11

شام کے مسائل پر یورپی یونین کی تشویش

یورپی یونین کے امور خارجہ کی انچارج فیڈریکا موگرینی نے شام میں انسانی صورت حال پر گہری تشویش ظاہر کی ہے۔

بریسلز میں یورپی یونین کے اجلاس سے قبل صحافیوں سے بات چیت کرتے ہوئے فیڈریکا موگرینی نے کہا کہ شام کی صورت حال پر غور کرنا، یورپی یونین کے موجودہ اجلاس کے ایجنڈے میں شامل ہے۔

انہوں نے کہا کہ شام میں جاری سانحات کو روکنے کے لئے عالمی برداری کو متوجہ کرانا یورپی یونین کی ذمہ داری ہے۔

انہوں نے کہا کہ ہمیں یہ بات تسلیم کرنا ہو گی کی شام کی صورت حال خودبخود بہتر نہیں ہو گی۔ فیڈریکا موگرینی نے کہا کہ سیاسی عمل کے ساتھ ساتھ انسان دوستانہ امداد کو یقینی بنانے کی ضرورت ہے۔

یورپی یونین کے امور خارجہ کی انچارج نے کہا کہ انہوں نے اس سلسلے میں اقوام متحدہ کے خصوصی نمائندے اور شام مخالفین کے رہنماؤں سے بات چیت کی ہے۔

انہوں نے کہا کہ ہمیں یہ بات بخوبی معلوم ہے کہ امن کا حصول آسانی سے ممکن نہیں تاہم امید ہے کہ آخر کار ہم اس مقصد میں کامیاب ہو جائیں گے۔


آپکی رائے



میرا تبصرہ ظاہر نہ کریں
تصویر امنیتی :
Thursday - 2018 August 16